यस्मै᳚ पु॒त्रासो॒ अदि᳚ते॒ः प्र जी॒वसे॒ मर्त्या᳚य ।
ज्योति॒र्यच्छ॒न्त्यज᳚स्रम् ॥
ज्योति॒र्यच्छ॒न्त्यज᳚स्रम् ॥
पदपाठः (Word-by-word)
यस्मै᳚ । पु॒त्रासः᳚ । अदि᳚तेः । प्र । जी॒वसे᳚ । मर्त्या᳚य ।
ज्योतिः᳚ । यच्छ᳚न्ति । अज᳚स्रम् ॥
ज्योतिः᳚ । यच्छ᳚न्ति । अज᳚स्रम् ॥
सायणभाष्यम् (Sayana Commentary)
अदितेरदीनाया देवमातुः पुत्रासः पुत्रा मित्रादयो यस्मै मर्त्याय मनुष्याय स्तोत्रेऽजस्रमविच्छिन्नं ज्योतिस्तेजो जीवसे जीवितुं प्रयच्छन्ति तस्य शत्रुर्नेश्वर इत्यर्थः॥३॥