अ॒स्य प्र जा॒तवे᳚दसो॒ विप्र᳚वीरस्य मी॒ळ्हुषः᳚ ।
म॒हीमि᳚यर्मि सुष्टु॒तिम् ॥
म॒हीमि᳚यर्मि सुष्टु॒तिम् ॥
पदपाठः (Word-by-word)
अ॒स्य । प्र । जा॒त॑वे᳚दसः । विप्र᳚॑वीरस्य । मी॒ळ्हुषः᳚ ।
म॒हीम् । इ॒य॒र्मि॒ । सु॒॑स्तु॒तिम् ॥
म॒हीम् । इ॒य॒र्मि॒ । सु॒॑स्तु॒तिम् ॥
सायणभाष्यम् (Sayana Commentary)
जातवेदसो जातानां वेदितुर्विप्रवीरस्य। विप्रा मेधाविनो यजमानावीराः पुत्रा यस्य। तादृशस्य मीळ्हुषः सेक्तुरस्याग्नेर्महीं महतीं सुष्टुतिं शोभनां स्तुतिं प्रेयर्मि। प्रेरयामि। ऋ गतौ जौहोत्यादिकः। अर्तिपिपर्त्योश्चेत्यभ्यासस्येत्वम् ॥ २ ॥