या रुचो᳚ जा॒तवे᳚दसो देव॒त्रा ह᳚व्य॒वाह᳚नीः ।
ताभि᳚र्नो य॒ज्ञमि᳚न्वतु ॥
ताभि᳚र्नो य॒ज्ञमि᳚न्वतु ॥
पदपाठः (Word-by-word)
याः । रुचः᳚ । जा॒त॑वे᳚दसः । दे॒व॒॑त्रा । ह॒व्य॒॑वाह᳚नीः ।
ताभिः᳚ । नः॒ । य॒ज्ञम् । इ॒न्व॒तु॒ ॥
ताभिः᳚ । नः॒ । य॒ज्ञम् । इ॒न्व॒तु॒ ॥
सायणभाष्यम् (Sayana Commentary)
जातवेदसोऽग्नेर्या रुचो रोचमानाः कालीकरालीप्रभृतयः सप्तजिह्वा देवता देवान्प्रति। देवमनुष्यपुरुषपुरुमर्त्येभ्य इत्यादिना द्वितीयार्थे त्राप्रत्ययः। हव्यवाहनीर्हव्यानां हविषाम् वोढ्र्यः प्रापयित्र्यो भवन्ति। वा छन्दसीति जसि पूर्वसवर्णदीर्घः। ताभिर्जिह्वाभिर्नोऽस्माकं यज्ञं यागसाधनं हविरिन्वतु। देवान्प्रापयतु। इवि व्याप्तौ। इदित्त्वान्नुम्॥३॥