इन्द्र एभिर्मरुद्भिः सह वृष्ण्यानि वर्षकाणि पौंस्यानि बलान्याददे। आदत्ते। येभिर्मरुद्भिः सहितो वृत्रहत्याय। प्राण्युपकारवृष्ट्यावरकत्वाद्वृत्रः पापम् । तस्य हत्याय। मनुष्याणामुपद्रवशमनायेत्यर्थः। तदर्थं वज्री वज्रवानिन्द्र औक्षत्। वर्षति। ये च मरुतो देवा मह्ना महतेन्द्रेण क्रियमाणस्य कर्मणो वृष्टिप्रदानलक्षणस्य साहाय्यार्थमृतेकर्म मृतकर्मवृष्टिप्रदानकर्म प्रत्युदजायन्त उन्मुखा जायन्ते स्वयमेव तैरेभिर्दद इति समन्वयः॥७॥