इ॒मा ते᳚ वाजिन्नव॒मार्ज᳚नानी॒मा श॒फानां᳚ सनि॒तुर्नि॒धाना᳚ ।
अत्रा᳚ ते भ॒द्रा र᳚श॒ना अ᳚पश्यमृ॒तस्य॒ या अ᳚भि॒रक्ष᳚न्ति गो॒पाः ॥
अत्रा᳚ ते भ॒द्रा र᳚श॒ना अ᳚पश्यमृ॒तस्य॒ या अ᳚भि॒रक्ष᳚न्ति गो॒पाः ॥
पदपाठः (Word-by-word)
इ॒मा । ते॒ । वा॒जि॒न् । अ॒व॒॑मार्ज᳚नानि । इ॒मा । श॒फाना᳚म् । स॒नि॒तुः । नि॒॑धाना᳚ ।
अत्र᳚ । ते॒ । भ॒द्राः । र॒श॒नाः । अ॒प॒श्य॒म् । ऋ॒तस्य᳚ । याः । अ॒भि॒॑रक्ष᳚न्ति । गो॒पाः ॥
अत्र᳚ । ते॒ । भ॒द्राः । र॒श॒नाः । अ॒प॒श्य॒म् । ऋ॒तस्य᳚ । याः । अ॒भि॒॑रक्ष᳚न्ति । गो॒पाः ॥
सायणभाष्यम् (Sayana Commentary)
हेवाजिन्नश्व तेसंबंधीन्यवमार्जनान्यंगसंशोधकानि स्थानानीमाइमानिउक्तानिद्युलोकादीनि किंच सनिर्यातु यागसंभक्तुस्तवेमा इमानिशफानांनिधाना निधानानि स्थानानि संचारप्रदेशाइत्य- र्थः किंचात्रैवतेतवभद्राः भंदनीयाः कल्याणीः रशनाग्रीवादिषुसंयुक्ताःरज्जूरत्रापश्यं एषुक्तेषुस्थाने- ष्वपश्यं रशनाविशेष्यन्ते यागोपाः गोपयित्र्योरशनाः ऋतस्यसत्यभूतस्य यज्ञसाधनस्यवाश्वस्य कर्मणिषष्ठी ऋतमभिरक्षंति अभितःपालयन्ति ताअपश्यं दृष्टवानस्मि यद्वा इमातेतवावमार्जनानि अङ्गप्रक्षालनसाधनान्युदकानि इमानि सनितुस्तव शफनांनिधानानि देवयजनभूमयः संचारप्रदे- शावा अत्रास्मिन्देवयजनस्थाने यारशनाःगोपास्तवपालयितारोरा जपुरुषाः ऋत्विजोवाऋतस्यसं-बंधिनः अभिरक्षंति ताअपश्यम् ॥ ५ ॥