अग्ने॒ वाज᳚स्य॒ गोम᳚त॒ ईशा᳚नः सहसो यहो ।
अ॒स्मे धे᳚हि जातवेदो॒ महि॒ श्रवः᳚ ॥
अ॒स्मे धे᳚हि जातवेदो॒ महि॒ श्रवः᳚ ॥
पदपाठः (Word-by-word)
अग्ने᳚ । वाज᳚स्य । गो॑म᳚तः । ईशा᳚नः । स॒ह॒सः॒ । य॒हो॒ इति᳚ ।
अ॒स्मे इति᳚ । धे॒हि॒ । जा॒त॒॑वे॒दः॒ । महि᳚ । श्रवः᳚ ॥
अ॒स्मे इति᳚ । धे॒हि॒ । जा॒त॒॑वे॒दः॒ । महि᳚ । श्रवः᳚ ॥
सायणभाष्यम् (Sayana Commentary)
प्रातरनुवाकस्याग्नेये क्रतावौष्णिहे छंदस्याश्विनशस्त्रे चाग्ने वाजस्येत्याद्यास्तिस्र ऋचः । सूत्रितं च । अग्ने वाजस्येति तिस्रः पुरु त्वा त्वामग्ने (आ ४-१३) इति ॥
हे सहसो यहो बलस्य पुत्राग्ने गोमतो बहुभिर्गोभिर्युक्तस्य वाजस्यान्नस्येशान ईश्वरस्त्वमसि । अतोऽस्मे अस्मासु हे जातवेदो जातधन जातानां वेदितर्वाग्ने महि प्रभूतं श्रवोऽन्नं धेहि । स्थापय ॥ सहसो यहो । परांगवद्भावादामंत्रितस्य चेति षष्ठ्यामंत्रितसमुदायो निहन्यते । अस्मे । सुपां सुलुगिति सप्तम्याः शेआदेशः ॥ ४ ॥