अवा᳚ नो अग्न ऊ॒तिभि᳚र्गाय॒त्रस्य॒ प्रभ᳚र्मणि ।
विश्वा᳚सु धी॒षु व᳚न्द्य ॥
विश्वा᳚सु धी॒षु व᳚न्द्य ॥
पदपाठः (Word-by-word)
अव᳚ । नः॒ । अ॒ग्ने॒ । ऊ॒ति॑भिः᳚ । गा॒य॒त्रस्य᳚ । प्र॑भ᳚र्मणि ।
विश्वा᳚सु । धी॒षु । व॒न्द्य॒ ॥
विश्वा᳚सु । धी॒षु । व॒न्द्य॒ ॥
सायणभाष्यम् (Sayana Commentary)
प्रातरनुवाकस्याग्नेये क्रतौ गायत्रे छंदस्यवा नो अग्न इत्याद्याः षडृचः । सूत्रितं च । अवानो अग्न इति षळग्निमीळेऽग्निं दूतम् (आ ४-१३) इति ॥ अश्विनशस्त्रे चैताः शंसनीयाः प्रातरनुवाकातिदेशात् ॥
विश्वासु धीषु सर्वेषु कर्मसु वंद्य स्तुत्य हे अग्ने गायत्रस्य गायत्र साम्नो गायत्रीच्छंदस्कस्य सूक्तस्य वा प्रभर्मणि प्रभरणे संपादने निमित्तभूते सति सोऽस्मानूतिभिस्त्वदियैः पालनैरव । रक्ष ॥ अव । द्वच्योऽतस्तिङ इति संहितायां दीर्घत्वं ॥ ७ ॥