मन्द्रा मन्द्राणि मदकराणि स्तोत्राणि कृणुध्वम्। कुरुध्वं हे सखायः। क्रुवि हिंसाकरणयोः। धिन्विक्रुण्व्योरच्चॆत्युप्रत्ययः। अकारश्चान्तादेशः। यद्वा। करोतेर्व्यत्ययेन श्नुः। तथा धियः कर्माणि चयनप्रदेशकर्षणादीन्यातनुध्वम्। विस्तारयत। तथरित्रपरणीं कर्षणादिरूपेणारित्रेण पारयितव्याम् नावं चयनाख्यां क्रुणुध्वम्। कुरुध्वम्। तथायुधायुधानि सीरयुगादीन्यरमलं कृणुध्वम्। हे सखाय ऋत्विजः प्राञ्चं प्रागञ्चनं यज्ञं यश्तव्यमग्निं प्रणयत। प्रकर्षेण नयत। आदौ कर्षणं प्राञ्चं कुरुतेत्यर्थः॥२॥