पुन॒र्वै दे॒वा अ᳚ददु॒ः पुन᳚र्मनु॒ष्या᳚ उ॒त ।
राजा᳚नः स॒त्यं कृ᳚ण्वा॒ना ब्र᳚ह्मजा॒यां पुन᳚र्ददुः ॥
राजा᳚नः स॒त्यं कृ᳚ण्वा॒ना ब्र᳚ह्मजा॒यां पुन᳚र्ददुः ॥
पदपाठः (Word-by-word)
पुनः᳚ । वै । दे॒वाः । अ॒द॒दुः॒ । पुनः᳚ । म॒नु॒ष्याः᳚ । उ॒त ।
राजा᳚नः । स॒त्यम् । कृ॒ण्वा॒नाः । ब्र॒ह्म॒॑जा॒याम् । पुनः᳚ । द॒दुः॒ ॥
राजा᳚नः । स॒त्यम् । कृ॒ण्वा॒नाः । ब्र॒ह्म॒॑जा॒याम् । पुनः᳚ । द॒दुः॒ ॥
सायणभाष्यम् (Sayana Commentary)
लाभहेतुमाह। देवा ब्रह्मजायां जुहूं बृहस्पतये पुनरददुः। वैशब्दः प्रसिद्धवाची। उताप्यर्थे। मनुश्युआ अपि पुनरददुः। एवं देवमनुष्यैः क्रुतं दानं सत्यं यथार्थं कृण्वानाः कुर्वाणाः राजानोऽपि पुनस्तस्मै ददुः। एवमव्यवहार्यनिमित्तं पापमपि व्यनाशयन्निति भावः॥६॥