अस्या इदानीं दृश्यमानाया उषसो व्युष्टिषु विवासनेषु प्रभातेषु सत्वु हे अग्ने त्वामित्त्वामेव देवानां दूतं कृण्वानाः कुर्वाणा मानुशा मनुष्या अयजन्त। यजन्ति। सर्वदेवात्मकं त्वामेव यजन्तीत्यर्थः। तथा देवा अपि त्वां महयाय्याय पूजायै। मह पूजायाम् । अस्मादौणादिको भाव आय्यप्रत्य्त्यः। आत्मनः पूजार्थं वावृधुः। वर्धयन्ति। किं कुर्वन्तः। अध्वरे। ध्वरो हिंसानिमित्तः प्रत्यवायः। तद्रहिते याज आज्यम् । उपलक्षणमेतत्। आज्योपलक्षतं सर्वं हविर्निमृजन्तस्त्वयि निमार्जयन्तः। प्रक्शिपन्त इत्यर्थः॥७॥