यु॒वं सु॒राम᳚मश्विना॒ नमु᳚चावासु॒रे सचा᳚ ।
वि॒पि॒पा॒ना शु᳚भस्पती॒ इन्द्रं॒ कर्म᳚स्वावतम् ॥
वि॒पि॒पा॒ना शु᳚भस्पती॒ इन्द्रं॒ कर्म᳚स्वावतम् ॥
पदपाठः (Word-by-word)
यु॒वम् । सु॒राम᳚म् । अ॒श्वि॒ना॒ । नमु᳚चौ । आ॒सु॒रे । सचा᳚ ।
वि॒॑पि॒पा॒ना । शु॒भः॒ । प॒ती॒ इति᳚ । इन्द्र᳚म् । कर्म᳚॑सु । आ॒व॒त॒म् ॥
वि॒॑पि॒पा॒ना । शु॒भः॒ । प॒ती॒ इति᳚ । इन्द्र᳚म् । कर्म᳚॑सु । आ॒व॒त॒म् ॥
सायणभाष्यम् (Sayana Commentary)
सौत्रामण्यां सुराग्रहाणां पुरोनुवाक्या युवमित्यॆषा। सुत्रितं च। युवं सुराममश्विनेति ग्रहाणां पुरोनुवाक्या। आ. ३-९। इति॥
हे अश्विनाश्विनौ हे शुभस्पती उदकस्य शोभनालङ्कारस्य वा पती पालयितारौ सुरामं सुष्ठु रमणसाधनमिदं हविर्विपिपाना विशेषेण पीतवन्तौ युवं युवां सचा सन्तौ सङ्गतावासुरेऽसुरपुत्रे नमुचावेतत्संज्ञेऽसुरे हन्तव्ये सति कर्मसु योधनकर्मस्विन्द्राअवतम्। अरक्षतम्। विपिपाना। पा पान इत्यस्माल्लिटह् कानच्। बहुलं छन्दसीत्यभ्यासस्येत्वम्। शुभस्पती इति सुबामन्त्रित इति षष्थ्यन्तस्य पाराङ्गवद्भावात्षष्ठ्यामन्त्रितसमुदायस्याष्टमिकं सर्वानुदात्तत्वम्॥४॥