अ॒प्स॒रसां᳚ गन्ध॒र्वाणां᳚ मृ॒गाणां॒ चर᳚णे॒ चर᳚न् ।
के॒शी केत᳚स्य वि॒द्वान्त्सखा᳚ स्वा॒दुर्म॒दिन्त᳚मः ॥
के॒शी केत᳚स्य वि॒द्वान्त्सखा᳚ स्वा॒दुर्म॒दिन्त᳚मः ॥
पदपाठः (Word-by-word)
अ॒प्स॒रसा᳚म् । ग॒न्ध॒र्वाणा᳚म् । मृ॒गाणा᳚म् । चर᳚णे । चर᳚न् ।
के॒शी । केत᳚स्य । वि॒द्वान् । सखा᳚ । स्वा॒दुः । म॒दिन्॑त᳚मः ॥
के॒शी । केत᳚स्य । वि॒द्वान् । सखा᳚ । स्वा॒दुः । म॒दिन्॑त᳚मः ॥
सायणभाष्यम् (Sayana Commentary)
अप्सरसाम् देवस्त्रीणां गन्धर्वाणाम् चरने सञ्चारभुते दिव्यन्तरिक्षे च तथा मृगानाम् सिंहादीनां सञ्चारस्थले पृथिव्यां चरन् व्याप्य सञ्चरन्केश्यग्निर्वायुह् सूर्यो वा केतस्य ज्ञातव्यस्य सर्वस्यार्थजातस्य विद्वान् यद्वा ज्ञातव्यस्यास्यर्षेरेतशस्य सखा विद्वानविशेषात्सर्वम् जानन् स्वादुः स्वादयिता रसयिता सर्वस्य रसस्योत्पादकः अत एव मदिन्तमो मादयितृतमो भवति। नाद्घस्येति नुडागमः॥६॥