गाम॒ङ्गैष आ ह्व᳚यति॒ दार्व॒ङ्गैषो अपा᳚वधीत् ।
वस᳚न्नरण्या॒न्यां सा॒यमक्रु᳚क्ष॒दिति᳚ मन्यते ॥
वस᳚न्नरण्या॒न्यां सा॒यमक्रु᳚क्ष॒दिति᳚ मन्यते ॥
पदपाठः (Word-by-word)
गाम् । अ॒ङ्ग । ए॒षः । आ । ह्व॒य॒ति॒ । दारु᳚ । अ॒ङ्ग । ए॒षः । अप᳚ । अ॒व॒धी॒त् ।
वस᳚न् । अ॒र॒ण्या॒न्याम् । सा॒यम् । अक्रु᳚क्षत् । इति᳚ । म॒न्य॒ते॒ ॥
वस᳚न् । अ॒र॒ण्या॒न्याम् । सा॒यम् । अक्रु᳚क्षत् । इति᳚ । म॒न्य॒ते॒ ॥
सायणभाष्यम् (Sayana Commentary)
अङ्ग हे अरण्यानि एष त्वदधिष्ठिते महारण्ये सम्प्रति वर्तमानो गामा ह्वयति। एष चान्यो दारु काष्ठमपावधीत्। अपहन्ति। तथा सायं सायंकाले रात्रावरण्यान्यां महारण्ये निवसन्मनुष्यो नानाविधं पक्षिमृगादिकं शब्दं शृण्वन् अक्रुक्षत् कश्चित्तस्करादिराक्रोशतीति भीतः सन्मन्यते। बुध्यते॥४॥