अत्रै॒व वो॑पि᳚ नह्याम्यु॒भे आर्त्नी᳚ इव॒ ज्यया᳚ ।
वाच᳚स्पते॒ नि षे᳚धे॒मान्यथा॒ मदध᳚रं॒ वदा᳚न् ॥
वाच᳚स्पते॒ नि षे᳚धे॒मान्यथा॒ मदध᳚रं॒ वदा᳚न् ॥
पदपाठः (Word-by-word)
अत्र᳚ । ए॒व । वः॒ । अपि᳚ । न॒ह्या॒मि॒ । उ॒भे इति᳚ । आर्त्नी᳚ इ॒वेत्यार्त्नी᳚॑इव । ज्यया᳚ ।
वाचः᳚ । प॒ते॒ । नि । से॒ध॒ । इ॒मान् । यथा᳚ । मत् । अध᳚रम् । वदा᳚न् ॥
वाचः᳚ । प॒ते॒ । नि । से॒ध॒ । इ॒मान् । यथा᳚ । मत् । अध᳚रम् । वदा᳚न् ॥
सायणभाष्यम् (Sayana Commentary)
हे सपत्नाह् यत्र देशे यूयं निवसथ अत्रैवास्मिन्नेव देशे वो युष्मानपि नह्यामि। अपिनद्धान्पाशैर्बद्धान्करोमि ज्यया मौर्व्यार्त्नी इव। यथा द्वे धनुषः कोटी दृढं बध्येते तथेत्यर्थः। हे वाचस्पते वाचः शब्दस्य पालयितर्देव इमान्सपत्नान्निषेध। प्रतिषेध। यथा येन प्रकारेन मन्मत्तोऽधरं निकृष्टतरम् वदान् वदन्ति तथा निरुद्धवाचः कुर्वित्यर्थः।।३॥