इ॒ममिन्द्रो᳚ अदीधरद्ध्रु॒वं ध्रु॒वेण᳚ ह॒विषा᳚ ।
तस्मै॒ सोमो॒ अधि᳚ ब्रव॒त्तस्मा᳚ उ॒ ब्रह्म᳚ण॒स्पति᳚ः ॥
तस्मै॒ सोमो॒ अधि᳚ ब्रव॒त्तस्मा᳚ उ॒ ब्रह्म᳚ण॒स्पति᳚ः ॥
पदपाठः (Word-by-word)
इ॒मम् । इन्द्रः᳚ । अ॒दी॒ध॒र॒त् । ध्रु॒वम् । ध्रु॒वेण᳚ । ह॒विषा᳚ ।
तस्मै᳚ । सोमः᳚ । अधि᳚ । ब्र॒व॒त् । तस्मै᳚ । ऊं॒ इति᳚ । ब्रह्म᳚णः । पतिः᳚ ॥
तस्मै᳚ । सोमः᳚ । अधि᳚ । ब्र॒व॒त् । तस्मै᳚ । ऊं॒ इति᳚ । ब्रह्म᳚णः । पतिः᳚ ॥
सायणभाष्यम् (Sayana Commentary)
इममभिषिक्तं ध्रुवेण स्थिरेण हविषा तर्प्यमाण इन्द्रो ध्रुवं स्थिरमदीधरत्। धारयतु। सोमश्च तस्मै राज्ञेऽधि ब्रवत्। अधिब्रवीतु। मदीयोऽयमिति पक्शपातवचनं करोतु। तस्मा उ तस्मा एव ब्रह्मणस्पतिर्मन्त्रस्य पालको देवश्चाधिब्रवीतु॥३॥