ध्रु॒वा द्यौर्ध्रु॒वा पृ᳚थि॒वी ध्रु॒वास॒ः पर्व᳚ता इ॒मे ।
ध्रु॒वं विश्व᳚मि॒दं जग᳚द्ध्रु॒वो राजा᳚ वि॒शाम॒यम् ॥
ध्रु॒वं विश्व᳚मि॒दं जग᳚द्ध्रु॒वो राजा᳚ वि॒शाम॒यम् ॥
पदपाठः (Word-by-word)
ध्रु॒वा । द्यौः । ध्रु॒वा । पृ॒थि॒वी । ध्रु॒वासः᳚ । पर्व᳚ताः । इ॒मे ।
ध्रु॒वम् । विश्व᳚म् । इ॒दम् । जग᳚त् । ध्रु॒वः । राजा᳚ । वि॒शाम् । अ॒यम् ॥
ध्रु॒वम् । विश्व᳚म् । इ॒दम् । जग᳚त् । ध्रु॒वः । राजा᳚ । वि॒शाम् । अ॒यम् ॥
सायणभाष्यम् (Sayana Commentary)
द्यौर्ध्रुवा स्थिरा भवति। पृथिवी च ध्रुवा स्थिरा भवति। इमे द्रुश्यमानाः पर्वता महीधराश्च ध्रुवासः स्थिराः। इदं विश्वं सर्वं जगद्ध्रुवं स्थिरं भवति। एवमेवायं विशां प्रजानां राजा स्वामी सन् ध्रुवः स्थिरो भवतु॥४॥