हे स्तोतारः यूयम् सं गच्छध्वम्। सङ्गताह् सम्भूता भवत। समो गम्यृच्छीत्यादिना गमेरात्मनेपदम्। तथा सम् वदध्वम्। सह वद परस्परम् विरोधं परित्यज्येकविधमेव वाक्यं ब्रूतेति यावत्। व्यक्तवाचाम् समुच्चारने। पा. १-३-४८। इति वदेरात्मनेपदम्। वो युष्माकं मनाम्सि सं जानताम्। समानमेकरूपमेवार्थमवगच्छन्तु। सम्प्रतिभ्यामनाध्याने। पा. १-३-४६। इति जानतेरात्मनेपदम्। यथा पूर्वे पुरातना देवाः सञ्जानाना ऐकमत्यम् प्राप्ता हविर्भाअगमुपासते यथास्वम् स्वीकुर्वन्ति तथा यूयमपि वैमत्यं परित्यज्य धनं स्वीकुरुतेति शेषः॥२॥