स॒मा॒नी व॒ आकू᳚तिः समा॒ना हृद᳚यानि वः ।
स॒मा॒नम᳚स्तु वो॒ मनो॒ यथा᳚ व॒ः सुस॒हास᳚ति ॥
स॒मा॒नम᳚स्तु वो॒ मनो॒ यथा᳚ व॒ः सुस॒हास᳚ति ॥
पदपाठः (Word-by-word)
स॒मा॒नी । वः॒ । आ॑कू᳚तिः । स॒मा॒ना । हृद᳚यानि । वः॒ ।
स॒मा॒नम् । अ॒स्तु॒ । वः॒ । मनः᳚ । यथा᳚ । वः॒ । सु॑स᳚ह । अस᳚ति ॥
स॒मा॒नम् । अ॒स्तु॒ । वः॒ । मनः᳚ । यथा᳚ । वः॒ । सु॑स᳚ह । अस᳚ति ॥
सायणभाष्यम् (Sayana Commentary)
हे ऋत्विग्यजमानाः वो युष्माकमाकूतिः सङ्कल्पोऽध्यवसायः समान्येकविधोऽस्तु। तथा वो युष्माकं हृदयानि समानान्येकविधानि सन्तु। तथा वो युष्माकं मनोऽन्तःकरणम्। प्रत्येकापेक्षयैकवचनम्। तदपि समानमस्तु। यथा वो युश्माकं सुसह शोभनं साहित्यमसति भवति तथा समानमस्त्वित्यन्वयः। अस्तेर्लटि बहुलं छन्दसीति शपो लुगभावः॥४॥
वेदार्थस्य प्रकाशेन तमे हार्दं निवारयन्। पुमार्थांश्चतुरो देयाद्विद्यातीर्थमहेश्वरः॥
इति श्रीमद्राजाधिराजपरमेश्वरवैदिकमार्गप्रवर्तक श्री वीरबुक्कभुपाल साम्राज्य धुरन्धरेण सायणाचार्येण विरचिते माधवीये वेदार्थ प्रकाशे ऋक्संहिताभाष्ये
अष्टमाष्टके अष्टमोऽध्यायः समाप्तः॥