स्व॒ना न यस्य॒ भामा᳚स॒ः पव᳚न्ते॒ रोच᳚मानस्य बृह॒तः सु॒दिवः᳚ ।
ज्येष्ठे᳚भि॒र्यस्तेजि᳚ष्ठैः क्रीळु॒मद्भि॒र्वर्षि᳚ष्ठेभिर्भा॒नुभि॒र्नक्ष᳚ति॒ द्याम् ॥
ज्येष्ठे᳚भि॒र्यस्तेजि᳚ष्ठैः क्रीळु॒मद्भि॒र्वर्षि᳚ष्ठेभिर्भा॒नुभि॒र्नक्ष᳚ति॒ द्याम् ॥
पदपाठः (Word-by-word)
स्व॒नाः । न । यस्य᳚ । भामा᳚सः । पव᳚न्ते । रोच᳚मानस्य । बृ॒ह॒तः । सु॒॑दिवः᳚ ।
ज्येष्ठे᳚भिः । यः । तेजि᳚ष्ठैः । क्री॒ळु॒मत्॑भिः᳚ । वर्षि᳚ष्ठेभिः । भा॒नु॑भिः᳚ । नक्ष᳚ति । द्याम् ॥
ज्येष्ठे᳚भिः । यः । तेजि᳚ष्ठैः । क्री॒ळु॒मत्॑भिः᳚ । वर्षि᳚ष्ठेभिः । भा॒नु॑भिः᳚ । नक्ष᳚ति । द्याम् ॥
सायणभाष्यम् (Sayana Commentary)
रोचमानस्य दीप्यमानस्य बृहतोमहतः सुदिवः शोभनदीप्तेर्वा यस्याग्नेः स्वभूताभामा- सः भादीप्तौ दीप्तारश्मयः स्वनान स्वनन्तोमरुतइव पवन्ते सर्वतः शब्दंकुर्वंतोगच्छन्ति । किंच योग्निः ज्येष्ठेभिः अत्यंतं प्रशस्तैः तेजिष्ठैः तेजस्वितमैः क्रीळुमद्भिः क्रीडनवद्भिः वर्षिष्ठेभिर्वृर्द्धतमैः भानुमद्भिः आत्मीयैस्तेजोभिः द्यां द्युलोकं नक्षति व्याप्नोतीति । सत्वं देवानावहेति उत्तरेण संबन्धः ॥ ५ ॥