आ॒दि॒त्यानां॒ वसू᳚नां रु॒द्रिया᳚णां दे॒वो दे॒वानां॒ न मि᳚नामि॒ धाम᳚ ।
ते मा᳚ भ॒द्राय॒ शव᳚से ततक्षु॒रप᳚राजित॒मस्तृ᳚त॒मषा᳚ळ्हम् ॥
ते मा᳚ भ॒द्राय॒ शव᳚से ततक्षु॒रप᳚राजित॒मस्तृ᳚त॒मषा᳚ळ्हम् ॥
पदपाठः (Word-by-word)
आ॒दि॒त्याना᳚म् । वसू᳚नाम् । रु॒द्रिया᳚णाम् । दे॒वः । दे॒वाना᳚म् । न । मि॒ना॒मि॒ । धाम᳚ ।
ते । मा॒ । भ॒द्राय᳚ । शव᳚से । त॒त॒क्षुः॒ । अप᳚रा॑जितम् । अस्तृ᳚तम् । अषा᳚ळ्हम् ॥
ते । मा॒ । भ॒द्राय᳚ । शव᳚से । त॒त॒क्षुः॒ । अप᳚रा॑जितम् । अस्तृ᳚तम् । अषा᳚ळ्हम् ॥
सायणभाष्यम् (Sayana Commentary)
आदित्यानां वसूनां रुद्रियाणां रुद्राणां यद्वा रुद्रपुत्राणां मरुतां च देवानां धाम स्थानं देव इन्द्रो न मिनाति। न हिनस्ति। त आदित्यादयो मा मां भद्राय शवसे ततक्षुः। अनुगृह्णन्तु। अपराजितमस्तृतमहिंसिठमषाळ्ह मनभिभूतम्॥११॥