शू॒षेभि᳚र्वृ॒धो जु᳚षा॒णो अ॒र्कैर्दे॒वा{4} अच्छा᳚ रघु॒पत्वा᳚ जिगाति ।
म॒न्द्रो होता॒ स जु॒ह्वा॒३॒᳚ यजि᳚ष्ठ॒ः सम्मि᳚श्लो अ॒ग्निरा जि᳚घर्ति दे॒वान् ॥
म॒न्द्रो होता॒ स जु॒ह्वा॒३॒᳚ यजि᳚ष्ठ॒ः सम्मि᳚श्लो अ॒ग्निरा जि᳚घर्ति दे॒वान् ॥
पदपाठः (Word-by-word)
शू॒षेभिः᳚ । वृ॒धः । जु॒षा॒णः । अ॒र्कैः । दे॒वान् । अच्छ᳚ । र॒घु॒॑पत्वा᳚ । जि॒गा॒ति॒ ।
म॒न्द्रः । होता᳚ । सः । जु॒ह्वा᳚ । यजि᳚ष्ठः । सम्॑मि᳚श्लः । अ॒ग्निः । आ । जि॒घ॒र्ति॒ । दे॒वान् ॥
म॒न्द्रः । होता᳚ । सः । जु॒ह्वा᳚ । यजि᳚ष्ठः । सम्॑मि᳚श्लः । अ॒ग्निः । आ । जि॒घ॒र्ति॒ । दे॒वान् ॥
सायणभाष्यम् (Sayana Commentary)
वृधः वर्धितोग्निः शूषेभिर्हविर्लक्षणैर्बलैः बलनिमित्तैर्हविर्भिरित्यर्थः अर्कैः स्तोत्रैश्च जुषा- णः सेव्यमानः सन् देवानिन्द्रादीनच्छाप्तुं रघुपत्वा लघुपतनः शीघ्रगामी जिगाति । गत्वा- च मन्द्रः स्तुत्यः होता देवानामाह्वाता होमनिष्पादकोवा जुह्वा यजिष्ठः यष्टृतमः संमि- श्लः सगुणैर्देवैर्वासंप्रयुक्तः सोग्निर्देवान्प्रति हविराजिघर्ति आहारयति देवेभ्योहविर्ददातीत्य- र्थः ॥ ४ ॥