य उ॒दाज᳚न्पि॒तरो᳚ गो॒मयं॒ वस्वृ॒तेनाभि᳚न्दन्परिवत्स॒रे व॒लम् ।
दी॒र्घा॒यु॒त्वम᳚ङ्गिरसो वो अस्तु॒ प्रति᳚ गृभ्णीत मान॒वं सु᳚मेधसः ॥
दी॒र्घा॒यु॒त्वम᳚ङ्गिरसो वो अस्तु॒ प्रति᳚ गृभ्णीत मान॒वं सु᳚मेधसः ॥
पदपाठः (Word-by-word)
ये । उ॒त्॑आज᳚न् । पि॒तरः᳚ । गो॒॑मय᳚म् । वसु᳚ । ऋ॒तेन᳚ । अभि᳚न्दन् । प॒रि॒व॒त्स॒रे । व॒लम् ।
दी॒र्घा॒यु॒॑त्वम् । अ॒ङ्गि॒र॒सः॒ । वः॒ । अ॒स्तु॒ । प्रति᳚ । गृ॒भ्णी॒त॒ । मा॒न॒वम् । सु॒॑मे॒ध॒सः॒ ॥
दी॒र्घा॒यु॒॑त्वम् । अ॒ङ्गि॒र॒सः॒ । वः॒ । अ॒स्तु॒ । प्रति᳚ । गृ॒भ्णी॒त॒ । मा॒न॒वम् । सु॒॑मे॒ध॒सः॒ ॥
सायणभाष्यम् (Sayana Commentary)
ये अङ्गिरसः पितरोऽस्माकं पुर्वजत्वेन पितृभूता ये यूयं गोमयं गवात्मकं पणिभिरपहृतम् वसु धनमुदाजन् तैरधिष्ठितात्पर्वतादुदगमयन्। किञ्चर्तेन सत्यभुतेन यज्ञेन परिवत्सरे पर्यागते वत्सरे सम्पूर्णे। सत्त्रान्त इत्यर्थः। तत्र वलं वलनामानं गवामपहर्तारमसुरमभिन्दन् व्यनाशयन् तेभ्यो वो युश्मभ्यं दीर्घायुत्वं प्रभूतजीवनमस्तु। शेषं पूर्ववत्॥२॥