विरू᳚पास॒ इदृष᳚य॒स्त इद्ग᳚म्भी॒रवे᳚पसः ।
ते अङ्गि᳚रसः सू॒नव॒स्ते अ॒ग्नेः परि᳚ जज्ञिरे ॥
ते अङ्गि᳚रसः सू॒नव॒स्ते अ॒ग्नेः परि᳚ जज्ञिरे ॥
पदपाठः (Word-by-word)
वि॑रू᳚पासः । इत् । ऋष᳚यः । ते । इत् । ग॒म्भी॒र॑वे᳚पसः ।
ते । अङ्गि᳚रसः । सू॒नवः᳚ । ते । अ॒ग्नेः । परि᳚ । ज॒ज्ञि॒रे॒ ॥
ते । अङ्गि᳚रसः । सू॒नवः᳚ । ते । अ॒ग्नेः । परि᳚ । ज॒ज्ञि॒रे॒ ॥
सायणभाष्यम् (Sayana Commentary)
परोक्षतयर्षिराह। ऋषयः कर्मणां द्रष्टार एत ऋषयो विरूपास इदन्योन्यं वर्णतो रूपतश्च नानारूपा भवन्ति। त इत्त एवामी अङ्गिरसो गम्भीरवेपसः। वेप इति कर्मनाम। बम्भीरकर्मणो भवन्ति। त इमेऽङ्गिरसः सूनवः पुत्राः खलु। तदेवाह। त इमेऽङ्गिरसोऽग्नेः परि जज्ञिरे। सर्वतो जाताः प्रादुर्भऊताः। येऽङ्गारा असंस्तेऽङ्गिरसोऽभवन्। ऐ. ब्रा. ३-३४। इति ब्राह्मणम्। अत्र निरुक्तं च द्रष्टव्यम्। नि. ३-१७॥५॥