य ऋ॒तेन॒ सूर्य॒मारो᳚हयन्दि॒व्यप्र᳚थयन्पृथि॒वीं मा॒तरं॒ वि ।
सु॒प्र॒जा॒स्त्वम᳚ङ्गिरसो वो अस्तु॒ प्रति᳚ गृभ्णीत मान॒वं सु᳚मेधसः ॥
सु॒प्र॒जा॒स्त्वम᳚ङ्गिरसो वो अस्तु॒ प्रति᳚ गृभ्णीत मान॒वं सु᳚मेधसः ॥
पदपाठः (Word-by-word)
ये । ऋ॒तेन᳚ । सूर्य᳚म् । आ । अरो᳚हयन् । दि॒वि । अप्र᳚थयन् । पृ॒थि॒वीम् । मा॒तर᳚म् । वि ।
सु॒प्र॒जाः॒॑त्वम् । अ॒ङ्गि॒र॒सः॒ । वः॒ । अ॒स्तु॒ । प्रति᳚ । गृ॒भ्णी॒त॒ । मा॒न॒वम् । सु॒॑मे॒ध॒सः॒ ॥
सु॒प्र॒जाः॒॑त्वम् । अ॒ङ्गि॒र॒सः॒ । वः॒ । अ॒स्तु॒ । प्रति᳚ । गृ॒भ्णी॒त॒ । मा॒न॒वम् । सु॒॑मे॒ध॒सः॒ ॥
सायणभाष्यम् (Sayana Commentary)
हे अङ्गिरसः ये भवन्त ऋतेन सत्यभुतेन यज्ञेन दिवि द्युलोके सूर्यं सुष्ठु सर्वस्य प्रेरकमादित्यमारोहयन् अस्थापयन् किञ्च मातरं सर्वेषां निर्मात्रीं पृथिवीं व्यप्रथयन् प्रसिद्धामकुर्वन् सत्त्त्रादिकर्मकरणेन तेभ्यो युष्मभ्यं सुप्रजास्त्वं सुपुत्रत्वमस्तु। नित्यमसिच् प्रजामेधयोरित्यसिच्समासान्तः। तस्माद्भावप्रत्ययः॥३॥