अनया वेदार्थानभिज्ञा निन्द्यन्ते। इमे येऽविद्वांसोऽर्वागर्वाचीनमधोभाविन्यस्मिन्लोके ब्राह्मणैः सह न चरन्ति ये परह् परस्ताद्देवैः सह न चरन्ति ते ब्राह्मणासो ब्राह्मणा वेदार्थतत्परा न भवन्ति। तथा सुतेकरासः सोमम् सुतमभिषुतं कुर्वन्तीति सुतेकरा ऋत्विजः। तेपि न भवन्ति। अप्रजज्ञयः। जानातेरादृगमहन इति किरत्ययः। अविद्वांसस्त एते मनुष्या वाचम् लोइकिकीमभिपद्यप्राप्य तया पापाय पापकारिण्या वाचा युक्तास्ते सिरीः। छन्दसीवनिपावितीप्रत्ययः सुपां सुलुगिति जसः सुः। सीरिणो भुत्वा तन्त्रम् कृषिलक्शनं तन्वते। विस्तारयन्ति। कुर्वन्तीत्यर्थः। सर्वथा वेदार्थो ज्ञेय इत्यभिप्रायः॥९॥