येन॒ द्यौरु॒ग्रा पृ᳚थि॒वी च᳚ दृ॒ळ्हा येन॒ स्व᳚ः स्तभि॒तं येन॒ नाकः᳚ ।
यो अ॒न्तरि᳚क्षे॒ रज᳚सो वि॒मान॒ः कस्मै᳚ दे॒वाय᳚ ह॒विषा᳚ विधेम ॥
यो अ॒न्तरि᳚क्षे॒ रज᳚सो वि॒मान॒ः कस्मै᳚ दे॒वाय᳚ ह॒विषा᳚ विधेम ॥
पदपाठः (Word-by-word)
येन᳚ । द्यौः । उ॒ग्रा । पृ॒थि॒वी । च॒ । दृ॒ळ्हा । येन᳚ । स्व१॒᳚रिति᳚ स्वः᳚ । स्त॒भि॒तम् । येन᳚ । नाकः᳚ ।
यः । अ॒न्तरि᳚क्षे । रज᳚सः । वि॒॑मानः᳚ । कस्मै᳚ । दे॒वाय᳚ । ह॒विषा᳚ । वि॒धे॒म॒ ॥
यः । अ॒न्तरि᳚क्षे । रज᳚सः । वि॒॑मानः᳚ । कस्मै᳚ । दे॒वाय᳚ । ह॒विषा᳚ । वि॒धे॒म॒ ॥
सायणभाष्यम् (Sayana Commentary)
येन प्रजापतिना द्यौरन्तरिक्षमुग्रोद्गूर्णं विशेषागहनरूपं वा। पृथिवी भूमिश्च दृळ्हा येन स्थिरीकृता। स्वः स्वर्गश्च येन स्तभितं स्तब्धं कृतम्। यथाधो न पतति तथोपर्यवस्थापितमित्यर्थः। ग्रसितस्कभितस्तभितेति निपात्यते। तथा नाक आदित्यश्च येनान्तरिक्षे स्तभितः। यश्चान्तरिक्षे रजस उदकस्य विमानो निर्माता। तस्मै कस्मा इत्यादि गतम्॥५॥