चा॒कॢ॒प्रे तेन॒ ऋष᳚यो मनु॒ष्या᳚ य॒ज्ञे जा॒ते पि॒तरो᳚ नः पुरा॒णे ।
पश्य᳚न्मन्ये॒ मन᳚सा॒ चक्ष᳚सा॒ तान्य इ॒मं य॒ज्ञमय᳚जन्त॒ पूर्वे᳚ ॥
पश्य᳚न्मन्ये॒ मन᳚सा॒ चक्ष᳚सा॒ तान्य इ॒मं य॒ज्ञमय᳚जन्त॒ पूर्वे᳚ ॥
पदपाठः (Word-by-word)
चा॒कॢ॒प्रे । तेन᳚ । ऋष᳚यः । म॒नु॒ष्याः᳚ । य॒ज्ञे । जा॒ते । पि॒तरः᳚ । नः॒ । पु॒रा॒णे ।
पश्य᳚न् । म॒न्ये॒ । मन᳚सा । चक्ष᳚सा । तान् । ये । इ॒मम् । य॒ज्ञम् । अय᳚जन्त । पूर्वे᳚ ॥
पश्य᳚न् । म॒न्ये॒ । मन᳚सा । चक्ष᳚सा । तान् । ये । इ॒मम् । य॒ज्ञम् । अय᳚जन्त । पूर्वे᳚ ॥
सायणभाष्यम् (Sayana Commentary)
पुराणे चिरन्तनेऽस्मिन्यज्ञे जाते विश्वसृड्भिर्देवैः सम्यगनुष्ठिते सति तेन यज्ञेनर्षयो मनुष्या नोऽस्माकं पितरः पूर्वपुरुषाश्च चाक्लृप्रे। अकल्प्यन्त। असृज्यन्त। इममीदृशं यज्ञं ये पूर्वे साध्या देवाः प्रजापतेः प्राणभुता अयजन्त अन्वतिष्ठन् तान्देवान्प्रानात्मना सर्वत्र वर्तमानांश्चक्षसा दर्शनहेतुना मनसा पश्यञ्जानन्मन्ये। तानेव विश्वस्रष्टॄन्देवान् स्त्ॐइ। मन्यतिरर्चतिकर्मा॥६॥