यो न᳚ इन्द्राभि॒दास᳚ति॒ सना᳚भि॒र्यश्च॒ निष्ट्य᳚ः ।
अव॒ तस्य॒ बलं᳚ तिर म॒हीव॒ द्यौरध॒ त्मना॒ नभ᳚न्तामन्य॒केषां᳚ ज्या॒का अधि॒ धन्व᳚सु ॥
अव॒ तस्य॒ बलं᳚ तिर म॒हीव॒ द्यौरध॒ त्मना॒ नभ᳚न्तामन्य॒केषां᳚ ज्या॒का अधि॒ धन्व᳚सु ॥
पदपाठः (Word-by-word)
यः । नः॒ । इ॒न्द्र॒ । अ॒भि॒॑दास᳚ति । स॑ना᳚भिः । यः । च॒ । निष्ट्यः᳚ ।
अव᳚ । तस्य᳚ । बल᳚म् । ति॒र॒ । म॒ही॑इ᳚व । द्यौः । अध᳚ । त्मना᳚ । नभ᳚न्ताम् । अ॒न्य॒केषा᳚म् । ज्या॒काः । अधि᳚ । धन्व᳚॑सु ॥
अव᳚ । तस्य᳚ । बल᳚म् । ति॒र॒ । म॒ही॑इ᳚व । द्यौः । अध᳚ । त्मना᳚ । नभ᳚न्ताम् । अ॒न्य॒केषा᳚म् । ज्या॒काः । अधि᳚ । धन्व᳚॑सु ॥
सायणभाष्यम् (Sayana Commentary)
हे इन्द्र यः सनाभिः समानजन्मा शत्रुर्नोऽस्मानभिदासति उपक्षयति यश्च निष्ट्यो निकृष्टजन्मास्मानुपक्शयति। जातार्थे निकृष्तवाचिनो निःशब्दादव्ययात्यप्। पा. ४-२-१०४। ह्रस्वात्तादौ तद्धिते। पा. ८-३-१०१। इति षत्वम्। आधानन्तरमेव महीव द्यौर्महती द्यौरिव विस्तृतम् तस्य शत्रोर्बलं त्मनात्मना। मन्त्रेष्वाज्यादेरात्मन इत्याकारलोपः। स्वयमेवाव तिर। जहि। अवतिरतिर्वधकर्मा। गतमन्यत्॥५॥