व॒यमि᳚न्द्र त्वा॒यवः᳚ सखि॒त्वमा र᳚भामहे ।
ऋ॒तस्य᳚ नः प॒था न॒याति॒ विश्वा᳚नि दुरि॒ता नभ᳚न्तामन्य॒केषां᳚ ज्या॒का अधि॒ धन्व᳚सु ॥
ऋ॒तस्य᳚ नः प॒था न॒याति॒ विश्वा᳚नि दुरि॒ता नभ᳚न्तामन्य॒केषां᳚ ज्या॒का अधि॒ धन्व᳚सु ॥
पदपाठः (Word-by-word)
व॒यम् । इ॒न्द्र॒ । त्वा॒॑यवः᳚ । स॒खि॒॑त्वम् । आ । र॒भा॒म॒हे॒ ।
ऋ॒तस्य᳚ । नः॒ । प॒था । न॒य॒ । अति᳚ । विश्वा᳚नि । दुः॒॑इ॒ता । नभ᳚न्ताम् । अ॒न्य॒केषा᳚म् । ज्या॒काः । अधि᳚ । धन्व᳚॑सु ॥
ऋ॒तस्य᳚ । नः॒ । प॒था । न॒य॒ । अति᳚ । विश्वा᳚नि । दुः॒॑इ॒ता । नभ᳚न्ताम् । अ॒न्य॒केषा᳚म् । ज्या॒काः । अधि᳚ । धन्व᳚॑सु ॥
सायणभाष्यम् (Sayana Commentary)
हे इन्द्र त्वायवस्त्वामात्मन इच्छन्तो वयं सखित्वं सखिकर्म यज्ञात्मकमा रभामहे। उपक्रमामहे। ऋतस्य सत्यस्य यज्ञस्य पथा मार्गेन। भस्य टेर्लोपः उदात्तनिव्रुत्तिस्वरेण तृतीयाया उदात्तत्वम्। विश्वानि सर्वाणि दुरिता दुरितानि दुर्गमनानि पापानि तत्फलानि च नोऽस्मानति नय। अतिपारय। गतमन्यत्॥६॥