अग्ने॒ अच्छा᳚ वदे॒ह नः᳚ प्र॒त्यङ्न᳚ः सु॒मना᳚ भव ।
प्र नो᳚ यच्छ विशस्पते धन॒दा अ᳚सि न॒स्त्वम् ॥
प्र नो᳚ यच्छ विशस्पते धन॒दा अ᳚सि न॒स्त्वम् ॥
पदपाठः (Word-by-word)
अग्ने᳚ । अच्छ᳚ । व॒द॒ । इ॒ह । नः॒ । प्र॒त्यङ् । नः॒ । सु॒॑मनाः᳚ । भ॒व॒ ।
प्र । नः॒ । य॒च्छ॒ । वि॒शः॒ । प॒ते॒ । ध॒न॒॑दाः । अ॒सि॒ । नः॒ । त्वम् ॥
प्र । नः॒ । य॒च्छ॒ । वि॒शः॒ । प॒ते॒ । ध॒न॒॑दाः । अ॒सि॒ । नः॒ । त्वम् ॥
सायणभाष्यम् (Sayana Commentary)
अग्न इति षडृचं त्रयोदशं सूक्तम्। तापसगुनविशिष्टस्याग्नेरार्षं वैश्वदेवमानुष्टुभम्। तथा चानुक्रान्तम्। अग्नेऽच्छाग्निस्तापसो वैश्वदेवमानुष्टुभं हीति। गतो विनियोगः॥
हे अग्ने इहास्मिन्देशे नोऽस्मानच्छ वद। आभिमुख्येन प्रियं ब्रूहि। तथा प्रत्यङ्नोऽस्मान्प्रत्यञ्चन् सुमनाः शोभनमनस्को भव। हे विशस्पते यजमानलक्षणायाः प्रजायाः पालयितः नोऽस्मभ्यं प्र यच्छ धनानि प्रदेहि यतस्त्वं नोऽस्माकं धनदा असि धनानां दाता भवसि॥१॥