अ॒र्य॒मणं॒ बृह॒स्पति॒मिन्द्रं॒ दाना᳚य चोदय ।
वातं॒ विष्णुं॒ सर᳚स्वतीं सवि॒तारं᳚ च वा॒जिन᳚म् ॥
वातं॒ विष्णुं॒ सर᳚स्वतीं सवि॒तारं᳚ च वा॒जिन᳚म् ॥
पदपाठः (Word-by-word)
अ॒र्य॒मण᳚म् । बृह॒स्पति᳚म् । इन्द्र᳚म् । दाना᳚य । चो॒द॒य॒ ।
वात᳚म् । विष्णु᳚म् । सर᳚स्वतीम् । स॒वि॒तार᳚म् । च॒ । वा॒जिन᳚म् ॥
वात᳚म् । विष्णु᳚म् । सर᳚स्वतीम् । स॒वि॒तार᳚म् । च॒ । वा॒जिन᳚म् ॥
सायणभाष्यम् (Sayana Commentary)
हे स्तोतः अर्यमादीन्देवान्दानाय धनप्रदानाय चोदय। स्तुत्या प्रेरय। तथा वातं वायुं विष्णुं सरस्वतीं वाजिनमन्नवन्तं बलवन्तं वा सवितारं च दानाय प्रेरय॥५॥