त्वं नो᳚ अग्ने अ॒ग्निभि॒र्ब्रह्म᳚ य॒ज्ञं च᳚ वर्धय ।
त्वं नो᳚ दे॒वता᳚तये रा॒यो दाना᳚य चोदय ॥
त्वं नो᳚ दे॒वता᳚तये रा॒यो दाना᳚य चोदय ॥
पदपाठः (Word-by-word)
त्वम् । नः॒ । अ॒ग्ने॒ । अ॒ग्नि॑भिः᳚ । ब्रह्म᳚ । य॒ज्ञम् । च॒ । व॒र्ध॒य॒ ।
त्वम् । नः॒ । दे॒व॑ता᳚तये । रा॒यः । दाना᳚य । चो॒द॒य॒ ॥
त्वम् । नः॒ । दे॒व॑ता᳚तये । रा॒यः । दाना᳚य । चो॒द॒य॒ ॥
सायणभाष्यम् (Sayana Commentary)
हे अग्ने त्वमग्निभिस्त्वद्विभूतिभूतैरन्यैरग्निभिः सार्धं नोऽस्माकं ब्रह्मस्तोत्रं यज्ञं च वर्धय। तथा त्वं नोऽस्माकं देवतातये। यज्ञनामैतत्। यागार्थं रायो धनस्य दानाय प्रदानाय चोदय। दातॄन्प्रेरय॥६॥