हे पुरुहूतेन्द्र एषु सुरिष्वा चाकन्धि। अथर्थमभिदीप्यस्व। अभिकामयस्व। कनी दीप्तिकान्तिगतिषु। अस्माच्चर्करीतमेतत्। हे मघवन्धनवन्निन्द्र ये सूरयो वृधानस्त्वत्प्रसादाद्वर्धमानाः सन्तो मघं धनमानशुः प्राप्नुवन्ति। अपि च मेधसाता मेधसातौ यज्ञे वाजिनं बलवन्तमन्नवन्तं वेजनवन्तं वा त्वां येऽर्चन्ति पूजयन्ति तोके पुत्रे तनये तत्पुत्रे परिष्टिषु परित इष्यमानेष्वन्येष्वपि फलेष्वह्रयेऽलजाकरे धने द। एतेषु निमित्तेषु सत्सु त्वामेव स्तुश्त्यादिभिः पूजयन्तीत्यर्थः॥३॥