ऋ॒तस्य॒ हि व᳚र्त॒नय॒ः सुजा᳚त॒मिषो॒ वाजा᳚य प्र॒दिव॒ः सच᳚न्ते ।
अ॒धी॒वा॒सं रोद᳚सी वावसा॒ने घृ॒तैरन्नै᳚र्वावृधाते॒ मधू᳚नाम् ॥
अ॒धी॒वा॒सं रोद᳚सी वावसा॒ने घृ॒तैरन्नै᳚र्वावृधाते॒ मधू᳚नाम् ॥
पदपाठः (Word-by-word)
ऋ॒तस्य᳚ । हि । व॒र्त॒नयः᳚ । सु॑जा᳚तम् । इषः᳚ । वाजा᳚य । प्र॒॑दिवः᳚ । सच᳚न्ते ।
अ॒धी॒वा॒सम् । रोद᳚सी॒ इति᳚ । व॒व॒सा॒ने इति᳚ । घृ॒तैः । अन्नैः᳚ । व॒वृ॒धा॒ते॒ इति᳚ । मधू᳚नाम् ॥
अ॒धी॒वा॒सम् । रोद᳚सी॒ इति᳚ । व॒व॒सा॒ने इति᳚ । घृ॒तैः । अन्नैः᳚ । व॒वृ॒धा॒ते॒ इति᳚ । मधू᳚नाम् ॥
सायणभाष्यम् (Sayana Commentary)
ऋतस्य यज्ञस्य वर्तनयः प्रवर्तकाइषअभिलषितानीच्छन्तः प्रदिवः पुरातनाऋत्विग्य- जमानाः सुजातमाधानकाले सुष्ठूत्पन्नमग्निं वाजाय बलार्थं अन्नार्थंवा सचन्तेहि सेवन्ते- खलु । अपिच वावसाने सर्वस्य जगतआच्छादयित्र्यौ रोदसी द्यावापृथिव्यौ अधीवासं ओषधिनक्षत्राद्यात्मना निवसन्तं यद्वा अधिरुपर्यर्थे त्रयाणां लोकानामुपरि अग्निविद्युदा- दित्यात्मना निवसन्तमग्निं मधूनामुदकानां जन्यत्वेन संबन्धिभिर्घृतैरन्नैः पुरोडाशादिभिश्च वावृधते वर्धयांचक्रतुः वर्धयतः तस्माद्वयमपि तमग्निमभिष्टुम इत्यभिप्रायः ॥ ४ ॥