अयं त्वष्टा देवशिल्पी मायाः। कर्मनामैतत्। कर्माणि पात्रनिर्माण विषयाणि वेत्। वेत्ति। जानाति। स च त्वष्टापसां शोभनकर्मवतां मध्येऽपस्तमोऽतिशयेन शोभनकर्मा देवपानानि देवाः पिबन्ति येशु तानि पात्रा सोमपात्राणि बिभ्रद्दारयन्वर्तत इति शेषः। स च त्वष्टा नूनमिदानीमग्नौ हविर्वहनायाङ्गीकृते सति स्वायसं शोभनायः सारभूतं परशुं शिशिते। तीक्ष्णयति। त्वष्टा पात्रसम्पादनार्थं येन परशुनैतश एतशवर्णो ब्रह्मणस्पतिर्बह्मणो मन्त्रस्य पाता पात्रादिसम्पादनरूपस्य कर्मणः स्वामी वा वृश्चात् वृश्चति॥९॥