हे पुत्र त्वं पाजिनेनान्नरसेन बलेन वा वाज्यसि। तद्वान्भवसि। कीदृशस्त्वम् । सुवेनीः। सुष्ठु कान्तः। वि गत्यादिषु। तादृशस्त्वं सुवितः सुष्ठु प्रेरितस्त्वं स्तोमं पूर्वं त्वया कृतं स्तोत्रं तदभिमानिदेवमनु गाः। अन्वगाः। अनुगच्छ। तथा सुवितो दिवं गाः। तथा सुवितो धर्मत्वया सम्पादितानि धर्माण्यनुगच्छ। कीदृशानि। प्रथामा मुख्यानि सत्या सत्यफलानि। तथा सुवितो देवानिन्द्रादीन्। तथा सुवितः पत्म पतज्ज्योतिरादित्याख्यमनु गाः॥४॥