अस᳚मातिं नि॒तोश᳚नं त्वे॒षं नि᳚य॒यिनं॒ रथ᳚म् ।
भ॒जेर᳚थस्य॒ सत्प᳚तिम् ॥
भ॒जेर᳚थस्य॒ सत्प᳚तिम् ॥
पदपाठः (Word-by-word)
अस᳚मातिम् । नि॒॑तोश᳚नम् । त्वे॒षम् । नि॒॑य॒यिन᳚म् । रथ᳚म् ।
भ॒जे॑र᳚थस्य । सत्॑प᳚तिम् ॥
भ॒जे॑र᳚थस्य । सत्॑प᳚तिम् ॥
सायणभाष्यम् (Sayana Commentary)
असमातिं राजानं नितोशनं शत्रूणां हन्तारम्। नितोशतिर्वधकर्मा। त्वेशम् दीप्तम् । निययिनं रथमित्युपमाप्रधानो निर्देशः। रथवत्सर्वाभिमतप्राप्तिसाधनं भजेरथस्यैतन्नामकस्य राज्ञो वंशे जातम् । यद्वा। एतन्नाम कश्चिदस्य शत्रुः। तस्य निययिनम् । हलदन्तान्। पा. ६-३-९। इति सप्तम्या अलुक्। सत्पतिं सतां पालकम्॥२॥