त्वा॒येन्द्र॒ सोमं᳚ सुषुमा सुदक्ष त्वा॒या ह॒विश्च᳚कृमा ब्रह्मवाहः ।
अधा᳚ नियुत्व॒ः सग᳚णो म॒रुद्भि᳚र॒स्मिन्य॒ज्ञे ब॒र्हिषि᳚ मादयस्व ॥
अधा᳚ नियुत्व॒ः सग᳚णो म॒रुद्भि᳚र॒स्मिन्य॒ज्ञे ब॒र्हिषि᳚ मादयस्व ॥
पदपाठः (Word-by-word)
त्वा॒॑या । इ॒न्द्र॒ । सोम᳚म् । सु॒सु॒म॒ । सु॒॑द॒क्ष॒ । त्वा॒॑या । ह॒विः । च॒कृ॒म॒ । ब्र॒ह्म॒॑वा॒हः॒ ।
अध᳚ । नि॒यु॒त्वः॒ । स॑ग᳚णः । म॒रुत्॑भिः᳚ । अ॒स्मिन् । य॒ज्ञे । ब॒र्हिषि᳚ । मा॒द॒य॒स्व॒ ॥
अध᳚ । नि॒यु॒त्वः॒ । स॑ग᳚णः । म॒रुत्॑भिः᳚ । अ॒स्मिन् । य॒ज्ञे । ब॒र्हिषि᳚ । मा॒द॒य॒स्व॒ ॥
सायणभाष्यम् (Sayana Commentary)
हे सुदक्ष शोभनबलेंद्र त्वाया त्वत्कामनया सोमं सुषुम । आभिषुतवंतो वयम् । हे ब्रह्मवाहो ब्रह्मणा मंत्ररूपेण स्तोत्रेणोह्यमान प्राप्यमाणेंद्र त्वाया त्वत्कामनयाहवनीये पुरोडाशलक्षणं हविश्चकृम । कृतवंतः हे नियुत्वः । नियुतोऽश्वाः । तद्विन्निंद्र अधानंतरं मरुद्भिः सप्तगणरूपैरेतत्संज्ञैर्देवैः सगणो गणसहितः सन्नस्मिन्वर्तमाने यज्ञे बर्हिष्यास्तीर्णे दर्भ उपविश्य मादयस्व । तृप्तो भव ॥ सुषुमा । षुञ् अभिषवे । लिट क्रादिनियमप्राप्तस्येटोऽनित्यमागममशासनमिति वचनादभावः ॥ ९ ॥