स॒मु॒द्रादू॒र्मिमुदि᳚यर्ति वे॒नो न᳚भो॒जाः पृ॒ष्ठं ह᳚र्य॒तस्य᳚ दर्शि ।
ऋ॒तस्य॒ साना॒वधि᳚ वि॒ष्टपि॒ भ्राट् स᳚मा॒नं योनि᳚म॒भ्य᳚नूषत॒ व्राः ॥
ऋ॒तस्य॒ साना॒वधि᳚ वि॒ष्टपि॒ भ्राट् स᳚मा॒नं योनि᳚म॒भ्य᳚नूषत॒ व्राः ॥
पदपाठः (Word-by-word)
स॒मु॒द्रात् । ऊ॒र्मिम् । उत् । इ॒य॒र्ति॒ । वे॒नः । न॒भः॒॑जाः । पृ॒ष्ठम् । ह॒र्य॒तस्य᳚ । द॒र्शि॒ ।
ऋ॒तस्य᳚ । सानौ᳚ । अधि᳚ । वि॒ष्टपि᳚ । भ्राट् । स॒मा॒नम् । योनि᳚म् । अ॒भि । अ॒नू॒ष॒त॒ । व्राः ॥
ऋ॒तस्य᳚ । सानौ᳚ । अधि᳚ । वि॒ष्टपि᳚ । भ्राट् । स॒मा॒नम् । योनि᳚म् । अ॒भि । अ॒नू॒ष॒त॒ । व्राः ॥
सायणभाष्यम् (Sayana Commentary)
तस्मिन्नेवाभीष्टवे समुद्रादूर्मिमित्येषा। सूत्र्यते हि। समुद्रादूर्मिमुदियर्ति वेनो द्रप्सः समुद्रमभि यज्जिगति। आ. ४-७। इति॥
समुद्द्रवन्त्यस्मादाप इति समुद्रमन्तरिक्षम् । तस्मादूर्मिं जलसमूहमयं वेन उदियर्ति। उद्गमयति। अधः पातयतीत्यर्थः। कीदृशः। नभोजाः। नभस्याकाशे.......। इमं वेनमभि शब्दायन्ते। नु स्तुतौ। कुटादिः। छान्दसो लङ्।।२॥