मैन᳚मग्ने॒ वि द᳚हो॒ माभि शो᳚चो॒ मास्य॒ त्वचं᳚ चिक्षिपो॒ मा शरी᳚रम् ।
य॒दा शृ॒तं कृ॒णवो᳚ जातवे॒दो॑थे᳚मेनं॒ प्र हि᳚णुतात्पि॒तृभ्य᳚ः ॥
य॒दा शृ॒तं कृ॒णवो᳚ जातवे॒दो॑थे᳚मेनं॒ प्र हि᳚णुतात्पि॒तृभ्य᳚ः ॥
पदपाठः (Word-by-word)
मा । ए॒न॒म् । अ॒ग्ने॒ । वि । द॒हः॒ । मा । अ॒भि । शो॒चः॒ । मा । अ॒स्य॒ । त्वच᳚म् । चि॒क्षि॒पः॒ । मा । शरी᳚रम् ।
य॒दा । शृ॒तम् । कृ॒णवः᳚ । जा॒त॒॑वे॒दः॒ । अथ᳚ । ई॒म् । ए॒न॒म् । प्र । हि॒णु॒ता॒त् । पि॒तृ॑भ्यः᳚ ॥
य॒दा । शृ॒तम् । कृ॒णवः᳚ । जा॒त॒॑वे॒दः॒ । अथ᳚ । ई॒म् । ए॒न॒म् । प्र । हि॒णु॒ता॒त् । पि॒तृ॑भ्यः᳚ ॥
सायणभाष्यम् (Sayana Commentary)
हे अग्ने एनं प्रेतं माविदहः विशेषेण दग्धं भस्मीभूतं माकुरु माभिशोचः अभितः शोकेन संतापेन युक्तं माकुरु । अस्य त्वचं माचिक्षिपः इतस्ततोविक्षिप्तां माकुरु शरीर- मपि विक्षिप्तं माकुरु । हे जातवेदः अग्ने यदा त्वं श्रृतं पक्वं सुदग्धं कृणवः करिष्यसि अथ तदानीं ईमेनं प्रेतं पितृभ्यः प्राहिणुतात् पितृसमीपे प्रेरय ॥ १ ॥