इ॒मम᳚ग्ने चम॒सं मा वि जि᳚ह्वरः प्रि॒यो दे॒वाना᳚मु॒त सो॒म्याना᳚म् ।
ए॒ष यश्च᳚म॒सो दे᳚व॒पान॒स्तस्मि᳚न्दे॒वा अ॒मृता᳚ मादयन्ते ॥
ए॒ष यश्च᳚म॒सो दे᳚व॒पान॒स्तस्मि᳚न्दे॒वा अ॒मृता᳚ मादयन्ते ॥
पदपाठः (Word-by-word)
इ॒मम् । अ॒ग्ने॒ । च॒म॒सम् । मा । वि । जि॒ह्व॒रः॒ । प्रि॒यः । दे॒वाना᳚म् । उ॒त । सो॒म्याना᳚म् ।
ए॒षः । यः । च॒म॒सः । दे॒व॒॑पानः᳚ । तस्मि᳚न् । दे॒वाः । अ॒मृताः᳚ । मा॒द॒य॒न्ते॒ ॥
ए॒षः । यः । च॒म॒सः । दे॒व॒॑पानः᳚ । तस्मि᳚न् । दे॒वाः । अ॒मृताः᳚ । मा॒द॒य॒न्ते॒ ॥
सायणभाष्यम् (Sayana Commentary)
हे अग्ने इमं चमसं प्रणीताप्रणयनं माविजिह्वरः माविचालीः । यश्चमसः देवानामिन्द्रा दीनां प्रियः उतापिच सोम्यानां सोमार्हाणां पितॄणां प्रियः । किंच यएषचमसः देवपानः देवाः पिबंत्यस्मिन्निति देवपानस्थानीयोभवति तस्मिंश्चमसे अमृताः मरणवर्जितादेवाः पितरश्च मादयन्ते हव्यैः कव्यैश्च हृष्टाभवन्ति ॥ ८ ॥