यस्त᳚ ऊ॒रू वि॒हर᳚त्यन्त॒रा दम्प᳚ती॒ शये᳚ ।
योनिं॒ यो अ॒न्तरा॒रेळ्हि॒ तमि॒तो ना᳚शयामसि ॥
योनिं॒ यो अ॒न्तरा॒रेळ्हि॒ तमि॒तो ना᳚शयामसि ॥
पदपाठः (Word-by-word)
यः । ते॒ । ऊ॒रू इति᳚ । वि॒॑हर᳚ति । अ॒न्त॒रा । दम्प᳚ती॒ इति॒ दम्॑प᳚ती । शये᳚ ।
योनि᳚म् । यः । अ॒न्तः । आ॒॑रेळ्हि᳚ । तम् । इ॒तः । ना॒श॒या॒म॒सि॒ ॥
योनि᳚म् । यः । अ॒न्तः । आ॒॑रेळ्हि᳚ । तम् । इ॒तः । ना॒श॒या॒म॒सि॒ ॥
सायणभाष्यम् (Sayana Commentary)
हे योषित् तवूरोपादमूलौ यो राक्षसादिर्विहरति गर्भघातय विश्लिष्टौ करोति दम्पती अन्तरा जायापत्योर्मध्ये गर्भहननार्थं यश्च शये शेते यश्च योनिमन्तः प्रविश्यारेळ्हि निषिक्तं रेतो जिह्वयास्वादयति। भक्षयतीत्यर्थः। लिह आस्वानने आदादिकः। कपिलकादित्वाल्लत्वविकल्पः। तं सर्वमितो नाशयामः॥४॥