यस्त्वा॒ स्वप्ने᳚न॒ तम᳚सा मोहयि॒त्वा नि॒पद्य᳚ते ।
प्र॒जां यस्ते॒ जिघां᳚सति॒ तमि॒तो ना᳚शयामसि ॥
प्र॒जां यस्ते॒ जिघां᳚सति॒ तमि॒तो ना᳚शयामसि ॥
पदपाठः (Word-by-word)
यः । त्वा॒ । स्वप्ने᳚न । तम᳚सा । मो॒ह॒यि॒त्वा । नि॒॑पद्य᳚ते ।
प्र॒॑जाम् । यः । ते॒ । जिघां᳚सति । तम् । इ॒तः । ना॒श॒या॒म॒सि॒ ॥
प्र॒॑जाम् । यः । ते॒ । जिघां᳚सति । तम् । इ॒तः । ना॒श॒या॒म॒सि॒ ॥
सायणभाष्यम् (Sayana Commentary)
हे योषित् यो राक्षसादिः स्वप्नेन स्वप्नावस्थया तमसा निद्रया त्वा त्वां मोहयित्वा मूढतां प्रापय्य निपद्यते गर्भघाताय गच्छति। अन्यद्गतम्॥६॥