ए॒वा पतिं᳚ द्रोण॒साचं॒ सचे᳚तसमू॒र्जः स्क॒म्भं ध॒रुण॒ आ वृ᳚षायसे ।
ओजः᳚ कृष्व॒ सं गृ᳚भाय॒ त्वे अप्यसो॒ यथा᳚ केनि॒पाना᳚मि॒नो वृ॒धे ॥
ओजः᳚ कृष्व॒ सं गृ᳚भाय॒ त्वे अप्यसो॒ यथा᳚ केनि॒पाना᳚मि॒नो वृ॒धे ॥
पदपाठः (Word-by-word)
ए॒व । पति᳚म् । द्रो॒ण॒॑साच᳚म् । स॑चे᳚तसम् । ऊ॒र्जः । स्क॒म्भम् । ध॒रुणे᳚ । आ । वृ॒ष॒॑य॒से॒ ।
ओजः᳚ । कृ॒ष्व॒ । सम् । गृ॒भा॒य॒ । त्वे इति᳚ । अपि᳚ । असः᳚ । यथा᳚ । के॒॑नि॒पाना᳚म् । इ॒नः । वृ॒धे ॥
ओजः᳚ । कृ॒ष्व॒ । सम् । गृ॒भा॒य॒ । त्वे इति᳚ । अपि᳚ । असः᳚ । यथा᳚ । के॒॑नि॒पाना᳚म् । इ॒नः । वृ॒धे ॥
सायणभाष्यम् (Sayana Commentary)
हे इंद्र त्वं एव एवं पतिं पालकं द्रोणसाचं द्रोणकलशस्य सेवितारं सचेतसं प्रज्ञं ऊ- र्जस्कंभं बलस्य धारकं सोमं धरुणे धारके जठरे आवृषायसे आसिंचसे धारयसीत्यर्थः । किंच मह्यमोजोबलं कृष्व कुरुष्व । त्वे त्वयि अस्मानपि संगृभाय संगृहाणच । किंच केनि पानां मेधाविनामस्माकम् । केनिपः उशिजइति मेधाविनामसु पाठात् । वृधे वर्धनाय यथा यथावत् सर्वथा इनः स्वामी असः भवसि ॥ ४ ॥