ए॒वैवापा॒गप᳚रे सन्तु दू॒ढ्यो॑श्वा॒ येषां᳚ दु॒र्युज᳚ आयुयु॒ज्रे ।
इ॒त्था ये प्रागुप᳚रे॒ सन्ति᳚ दा॒वने᳚ पु॒रूणि॒ यत्र᳚ व॒युना᳚नि॒ भोज᳚ना ॥
इ॒त्था ये प्रागुप᳚रे॒ सन्ति᳚ दा॒वने᳚ पु॒रूणि॒ यत्र᳚ व॒युना᳚नि॒ भोज᳚ना ॥
पदपाठः (Word-by-word)
ए॒व । ए॒व । अपा᳚क् । अप᳚रे । स॒न्तु॒ । दुः॒॑ध्यः᳚ । अश्वाः᳚ । येषा᳚म् । दुः॒॑युजः᳚ । आ॒॑यु॒यु॒ज्रे ।
इ॒त्था । ये । प्राक् । उप᳚रे । सन्ति᳚ । दा॒वने᳚ । पु॒रूणि᳚ । यत्र᳚ । व॒युना᳚नि । भोज᳚ना ॥
इ॒त्था । ये । प्राक् । उप᳚रे । सन्ति᳚ । दा॒वने᳚ । पु॒रूणि᳚ । यत्र᳚ । व॒युना᳚नि । भोज᳚ना ॥
सायणभाष्यम् (Sayana Commentary)
एवैव एवमेव दूढ्योदुर्बुद्धयः अपरे अन्ये अयज्वानइत्यर्थः अपागपाचीनाअधोगंतारः संतु भवंतु । येषां यज्ञमकुर्वतामश्वादुर्युजोदुर्योजाः प्रबलाअप्यायुयुज्रे रथेषु युज्यंते ये सत्यपि सामर्थ्ये न यजंति ते नरकं गच्छंतीतिभावः । किंच इत्था इत्थं ते स्वर्गगामिनो- ये अपरे यज्वानः प्राक् मरणात् पूर्वमेव दावने देवानां हविर्दानाय संति भवंति यत्र येषु च यज्ञकारिषु वयुनानि प्रज्ञानानि कांतानि वा भोजना भोग्यानि धनानि पुरूणि बहूनि देवेभ्योदानाय संति ॥ ७ ॥