गम᳚न्न॒स्मे वसू॒न्या हि शंसि᳚षं स्वा॒शिषं॒ भर॒मा या᳚हि सो॒मिनः᳚ ।
त्वमी᳚शिषे॒ सास्मिन्ना स᳚त्सि ब॒र्हिष्य᳚नाधृ॒ष्या तव॒ पात्रा᳚णि॒ धर्म᳚णा ॥
त्वमी᳚शिषे॒ सास्मिन्ना स᳚त्सि ब॒र्हिष्य᳚नाधृ॒ष्या तव॒ पात्रा᳚णि॒ धर्म᳚णा ॥
पदपाठः (Word-by-word)
गम᳚न् । अ॒स्मे इति᳚ । वसू᳚नि । आ । हि । शंसि᳚षम् । सु॒॑आ॒शिष᳚म् । भर᳚म् । आ । या॒हि॒ । सो॒मिनः᳚ ।
त्वम् । ई॒शि॒षे॒ । सः । अ॒स्मिन् । आ । स॒त्सि॒ । ब॒र्हिषि᳚ । अ॒ना॒धृ॒ष्या । तव᳚ । पात्रा᳚णि । धर्म᳚णा ॥
त्वम् । ई॒शि॒षे॒ । सः । अ॒स्मिन् । आ । स॒त्सि॒ । ब॒र्हिषि᳚ । अ॒ना॒धृ॒ष्या । तव᳚ । पात्रा᳚णि । धर्म᳚णा ॥
सायणभाष्यम् (Sayana Commentary)
हे इंद्र वसूनि त्वद्देयानि धनानि अस्मे अस्मासु आगमन् आगच्छंतु हि । यस्मात्त्वा- महं शंसिषं स्तौमि । किंच सोमिनः सोमवतोमम स्वाशिषं शोभनाआशिषोयस्मिन् तं भरं यज्ञं आयाहि त्वमागच्छ । किंच त्वमीशिषे धनस्येश्वरोसि एवंविधः सत्वं अस्मिन्नस्मदीये वेद्यास्तृते बर्हिष्यासत्सि आसीद । किंच तव सोमपात्राणि धर्मणा राक्षसानां कर्मणा अनाधृष्य अनाधृष्याणि धर्षयितुमशक्यानि भवंतीतिशेषः ॥ ५ ॥