इ॒मं त्रि॒तो भूर्य᳚विन्ददि॒च्छन्वै᳚भूव॒सो मू॒र्धन्यघ्न्या᳚याः ।
स शेवृ᳚धो जा॒त आ ह॒र्म्येषु॒ नाभि॒र्युवा᳚ भवति रोच॒नस्य᳚ ॥
स शेवृ᳚धो जा॒त आ ह॒र्म्येषु॒ नाभि॒र्युवा᳚ भवति रोच॒नस्य᳚ ॥
पदपाठः (Word-by-word)
इ॒मम् । त्रि॒तः । भूरि᳚ । अ॒वि॒न्द॒त् । इ॒च्छन् । वै॒भु॒॑व॒सः । मू॒र्धनि᳚ । अघ्न्या᳚याः ।
सः । शे॑वृ᳚धः । जा॒तः । आ । ह॒र्म्येषु᳚ । नाभिः᳚ । युवा᳚ । भ॒व॒ति॒ । रो॒च॒नस्य᳚ ॥
सः । शे॑वृ᳚धः । जा॒तः । आ । ह॒र्म्येषु᳚ । नाभिः᳚ । युवा᳚ । भ॒व॒ति॒ । रो॒च॒नस्य᳚ ॥
सायणभाष्यम् (Sayana Commentary)
इमं भूरि महान्तमग्निं वैभूवसो विभूवसः पुत्रस्त्रित ऋषिरिच्छल्लब्धुमिच्छन्नघ्न्यायाः। अघ्न्या भूमिः। तस्या भूम्या मूर्धनि। भूम्यामित्यर्थः। तत्वाविन्दत्। लब्धवान्। सोऽग्निः शेवृधः सुखस्य वर्धयिता सन् हर्म्येषु यजमानगृहेष्वा सर्व्तो जातः प्रादुर्भूतः तद्रोचनस्य रोचमानस्य स्वर्गाख्यस्य फलस्योक्तलक्शणस्य यज्ञस्यादित्यस्य वा नाभिर्बन्धको भवति॥३॥