प्र जि॒ह्वया᳚ भरते॒ वेपो᳚ अ॒ग्निः प्र व॒युना᳚नि॒ चेत᳚सा पृथि॒व्याः ।
तमा॒यवः᳚ शु॒चय᳚न्तं पाव॒कं म॒न्द्रं होता᳚रं दधिरे॒ यजि᳚ष्ठम् ॥
तमा॒यवः᳚ शु॒चय᳚न्तं पाव॒कं म॒न्द्रं होता᳚रं दधिरे॒ यजि᳚ष्ठम् ॥
पदपाठः (Word-by-word)
प्र । जि॒ह्वया᳚ । भ॒र॒ते॒ । वेपः᳚ । अ॒ग्निः । प्र । व॒युना᳚नि । चेत᳚सा । पृ॒थि॒व्याः ।
तम् । आ॒यवः᳚ । शु॒चय᳚न्तम् । पा॒व॒कम् । म॒न्द्रम् । होता᳚रम् । द॒धि॒रे॒ । यजि᳚ष्ठम् ॥
तम् । आ॒यवः᳚ । शु॒चय᳚न्तम् । पा॒व॒कम् । म॒न्द्रम् । होता᳚रम् । द॒धि॒रे॒ । यजि᳚ष्ठम् ॥
सायणभाष्यम् (Sayana Commentary)
योऽग्निर्जिह्वया ज्वालया वेपः। कर्मनामैतत्। कर्म प्र भरते तथा योऽग्निर्वयुनानि प्रज्ञानानि स्तोत्राणि पृथिव्या रक्षणाय चेतसानुग्रहयुक्तेन मनसा प्र भरते तमग्निमायवो गन्तारो मनुष्याः शुचयन्तं दीप्यमानं पावकं शोधकं मन्द्रं स्तुत्यं होतारमाह्वातारं होमनिष्पादकं वा यजिष्ठमतिशयेन यष्टव्यं यष्टृतमं वा दधिरे। धारयन्ति॥८॥