हे इन्द्र तन्वा शरीरेण स्तोत्रेण वा वावृधानो वर्धमानो जनेषु प्राणिषु बलानि प्रब्रुवाणो वृत्रवधादिरूपाणि सामर्थ्यानि प्रकर्षेण कथयन्नचर इति यत्सञ्चारं कृतवानिति यदस्ति ते तव सा गतिर्मायेन्मायैव। म्रुषेयर्थः। किञ्च यानि युद्धानि शत्रुविषयाण्याहुः ब्रुवते पुराविद ऋषयः तान्यपि मायैव। कुत इति आह। अद्येदानीं शत्रुं हन्तव्यं न विवित्से। न लभसे। अद्य मा भुत् पूर्वं हतवानस्मीति यद्बृषे तदपि नेत्याह। नन्विति प्रश्ने। किं पुरा शत्रुमलभथाः। तदपि नेत्यर्थः॥२॥