हे इन्द्र त्वं विश्वा सर्वाणि केवलान्यन्येशामसाधारनानि वसूनि धनानि दधिषे। धारयसि। विश्वानीत्युक्तं कथं विश्वत्वमित्यत आह। यान्याविराविर्भुतानि सर्वैः प्रसिद्धानि वसूनि वासयोग्यानि धनानि सन्ति या च गुहा गुहायां निगूधे प्रदेशे वर्तमानानि वसूनि सन्ति तानि विश्वानि दधिष इति। यस्मादेवं तस्मान्मे मम कामं काङ्क्षितं हे मघवन् धनवन्निन्द्र मा वि तारीः। मा हिंसीः। इदिति पादपूरणः। वर्धयेति शेषः। हे इन्द्र त्वमाज्ञातासि प्रापयितास्यभिलषितं धनम्। तथा हे इन्द्र त्वं दातासि॥५॥